Мир
Минздрав Газы сообщил о более чем 34 тыс. погибших при ударах Израиля по анклаву
Главная » НОВОСТИ » Общество » Нохчийн Республикин Парламентан Председателан Даудов Мохьмадан Нохчийн меттан денца доьзна декъалдар
Нохчийн Республикин Парламентан Председателан Даудов Мохьмадан Нохчийн меттан денца доьзна декъалдар
25.04.2019 14:29
Нохчийн меттан денца доьзна Нохчийн Республикин Парламентан Председателан, Россин Турпалхочун Даудов Мохьмадан декъалдар
Лараме Ахьмад-Хьаьжин Рамзан! Хьомсара махкахой!
Нохчийн Республикин Парламентан депутатийн а, сайн а цIарах ас даггара декъалдо шу Нохчийн меттан денца! Вайна массарна а уггаре а мехалчех цхьа дезде ду хIара. ХIунда аьлча, вайна беза вайн ненан мотт, цунах дозалла а до вай.
Нохчийн халкъан башхаллин дIакъасталур доцу дакъа ду ненан мотт, вайн бIешерийн Iадаташ а, гIиллакхаш а, ламасташ а, хьал долу истори а, культура а санна.
Нохчийн Республикин хьалхарчу Президента, Россин Турпалхочо олура: «Мотт ца хилча, къам а ца хуьлу». Регионан куьйгалло оьшуш мел дерг до ненан мотт Iалашбарехьа а, кхиорехьа а.
Нохчийн Республикин Парламенто 2007-чу шарахь тIеийцира «Нохчийн Республикехь меттанийн хьокъехь» долу закон. Цуьнан Iалашо ю къоман уггаре а мехала билгало а, Нохчийн Республикин халкъан ерриге а культурин бух а болу нохчийн мотт Iалашбарна а, кхиорна а гIайгIабар. Оццу шарахь Нохчийн Республикин Куьйгалхочун, Россин Турпалхочун Кадыров Ахьмад-Хьаьжин Рамзанан Указаца юкъадаьккхира Нохчийн меттан де.
Тахана республикехь нохчийн маттахь передачаш йо телевиденехь а, радиохь а. Зорбатухуш ду газеташ, журналаш, арахоьцуш ю книгаш. Вай дозалла дан деза вайн ненан маттахь паргIат къамелаш дан, ненан мотт кхио маршо хиларх.
Ас шу дерриге а даггара декъалдо Нохчийн меттан денца! Лаьа шу дерриге а ирсе дехийла, шун массо а хIуманна тIехь аьтто хуьлийла, дахар беркате, зовкхе хуьлийла».
Нохчийн Республикин Парламентан Председатель Даудов Мохьмад
Все права защищены. При перепечатке ссылка на сайт ИА "Грозный-информ" обязательна.
Нашли ошибку в тексте? Выделите ее мышкой и нажмите: Ctrl+Enter
Поделиться:Также в разделе «Общество»:
- 20.04.2024 / 15.34
- В Чечне назвали фейком рассылку документа, где Глава ЧР просит провести служебную проверку в отношении сотрудников МВД по Республике Дагестан
- 20.04.2024 / 15.13
- Полку Росгвардии имени Героя России Ахмата-Хаджи Кадырова исполнилось 18 лет
- 20.04.2024 / 14.37
- Кавказ.РФ предлагает иранским туристам различные виды отдыха во всех субъектах СКФО
- 20.04.2024 / 12.26
- Молодогвардейцы привели в порядок братские могилы и территории памятников в 58 регионах
- 20.04.2024 / 10.20
- Житель Астрахани принял Ислам в Чеченской Республике (+видео)