Нохчийн Республикин Мехк-Ден а, Краснодаран мехкан губернаторан а цхьаьнакхетар

19.04.2023 16:20

ХӀокху деношкахь дӀахьочу Йерригроссин «Инклюзиван ишкол. ХӀора а беран кхиар» форумехь дакъа а лоцуш, Соьлжа-ГӀалахь волчу Краснодаран мехкан губернаторца Кондратьев Вениаминца цхьаьнакхетар дӀадаьхьна Кадыров Рамзана.

Нохчийн Республикин а, Краснодаран мехкан а йукъаметтигаш йийцаре йина цигахь.

Кадыров Рамзана билгалдаьккхина ма-хиллара, доттагӀаллин а, белхан а йукъаметтигаш кхиор а, чӀагӀйар а ду Ӏалашонехь.

Цул сов, белхан карта хӀотторца кхочушбийр болу барт тӀеэца а лерина ду шина а субъектан Ӏедал.

«Россин коьрта мехала ду адамаш. Цундела, санкцешка хьоьжуш а ца Ӏаш, массеран а коьрта декхар ду бахархошна бегӀийла хьелаш кхоллар«, — дийцина Кадыров Рамзана а, Краснодаран мехкан губернатора Кондратьев Вениамина а.

Telegram чуьрчу шен каналехь оцу хьокъехь хаам бина Нохчийн Республикин Мехк-Дас.

_{Все права защищены. При перепечатке ссылка на сайт ИА "Грозный-информ" обязательна.}