Индустриальни парк йан лерина ТӀехьа-Мартан кӀоштахь

11.01.2023 10:58

Индустриальни парк йан лерина ТӀехьа-Мартан кӀоштахь.

Цунна лерина майда билгалйаьккхина кӀоштан куьйгалло. Оцу хьокъехь хаам бина экономикин, мохк кхиоран, махлелоран министра Шаптукаев Рустама.

Цо билгалдаккхарехь, билгалйинчу майданна оьшшуш йолу инфраструктура а, хьелаш а кхолларан гӀуллакхаш хӀинцале а дийцаре дан долийна ду кӀоштан векалшца.

Йуьйцуш йолчу индустриальни паркехь тайп-тайпана сурсаташ дар ду Ӏалашонехь, цуьнца цхьаьна, меттигерчу бахархошна керла белхан меттигаш кхоллар а.

_{Все права защищены. При перепечатке ссылка на сайт ИА "Грозный-информ" обязательна.}